कारखाने आनी वाफक निरिक्षकालय, सुरक्षा संस्था, वेवसायीक भलायकी आनी पर्यावरणाचे ग्रंथालय आनी माहिती केंद्र वसतीगृह इमारतींत (हॉस्टेल बिल्डिंग) स्थीत आसा. सद्याक तातूंत वेगवेगळ्या खास विशयांचेर जशे, उद्देगीक सुरक्षा, वेवसायीक भलायकी, प्रदुशण नियंत्रण, अग्नी शमन, वाफक अभियांत्रिकी, आपत्ती आनी जोखीम वेवस्थापन, रसायन सुरक्षा अशी एकंदर 5000 पुस्तकां आनी फिल्मांचो (सीडीस्) साठो आसा. सद्याक, आयऍसओ ग्रंथालय सुमार 30 विद्यार्थ्यांक बसपाची क्षमताय आशिल्ल्या संदर्भ आनी परिभ्रमणा खातीर एका सभाघरा सयत हॉस्टेल विंगांत आसा. विद्यार्थी, कर्मचारी, आनी संदर्भ सेवा आनी हेरांक पुस्तकांचे परिचालन अशी कांय सेवा ग्रंथालया वरवीं पुरवण जाता. संस्थे कडेन एक माहिती केंद्र आसा जे संसारभर, सगळे एकाच छप्परा खाला उद्देगीक सुरक्षा, वेवसायीक भलायकी, उद्देगीक नितळसाण, प्रदुशण नियंत्रण क्षेत्रांत नवीनतम प्रगती केल्ल्या विशयांचेर माहिती पुरवण करपाची मोख दवरता. पुस्तकांचो योग्य संग्रह तयार करतात आनी हेर दस्तावेजीक सुविधांचीय पुरवण करतात. सद्याचो पुस्तकांचो संग्रह हो सुरक्षा अधिकारी, प्रशिक्षण अधिकारी, वैजकीय अधिकारी, सुरक्षा समितीचे वांगडी, कामगार संघ फुडारी, तशेंच कार्मिक आनी कामगार अधिकार्‍यांच्या अभिरुचीच्या विशयांचेर आसता. संदर्भ कामा खातीर वाचनालय सुविधां केंद्राचेर उपलब्ध आसात.