राष्ट्रीय आंकडेवारींतल्यान अशे दिसून आयला की उद्देगीक अहवाल दिवपा योग्य अपघातां भितर 15 टक्के अपघात कायद्याच्या उल्लंघनाकडेन संबंदीत आसात. म्हणल्यार, फकत कायदे आनी अंमलबजावणी केल्यार उद्देगीक सुरक्षीतताय आनी वेवसायीक भलायकी ह्या क्षेत्रांत येवपी समस्या सोडोवंक मेळच्यो नात. कदाचीत शिक्षण आनी प्रशिक्षणाची ही फाटभूंय मतींत घेवन गोंय सरकारान व्हड म्हत्वाच्या विशयांचेर उद्देग आनी तांच्या वावुरप्यां वांगडा जागृताय निर्माण करपा खातीर प्रगतीशील आनी कल्याणकारी समाजीक–अर्थीक उपाय आपणायलो. हाचो परिणाम म्हूण 1986 वर्सा सुरक्षीतताय, वेवसायीक भलायकी आनी पर्यावरण संस्था स्थापन जाली– त्या वेळार हाचे नांव सुरक्षा प्रशिक्षण केंद्र आशिल्लें (सेफ्टी ट्रेनींग सॅण्टर), हे अशा राज्या खातीर आसा जे तिव्र आनी विवीध उद्देगीकरणांच्या उंबर्‍याचेर आशिल्ल्या राज्यांक सेवा दिता, पूण हे गजालीचेर भर दिवंक जाय की, हे राज्य देशांत पर्यावरणा विशीं सगळ्यांत चड जागरूक आसा. केंद्र /संस्थेच्या उत्पादनाचें कितल्याशाच तज्ञांनी मूल्यमापन केलां आनी सादारण मत आसा की तातूंतली कामगिरी उल्लेखनीय आशिल्ली. एका भेटीदाराक ताच्या दीर्घ आनी प्रबुध्द अणभवांत” मेळिल्ल्या खंयच्याय (ताका) वाचनालयापरस बरें दिसलें जाल्यार, “उद्देगीक समाजांत संस्थेची उपस्थिती हेर देशांनी नकल करपाक एक देख दिल्या” अशें मत भौशीक भलायकेचो अमेरिकन तज्ञ, म्हणल्यार दुसर्‍या भेटीदाराचे आशिल्लें. पूण हे संस्थेक अजून बरोच मार्ग पार करपाचो आसा हाची आमकां जाणविकाय आसा.

1983 वर्सा मेरेन, कारखाने अधिनेम, 1948 आनी वाफक अधिनेम, 1923 हांची अंमलबजावणी आनी सक्ती गोंय सरकाराचे आयुक्त, कामगार आनी रोजगार, गोंय, दमण आनी दीव सरकारा अंतर्गत वावुरपी कारखानो निरिक्षकान केल्ली. भारत सरकाराच्या निर्देशांक लागून आनी कामगार मंत्री परिशदेच्या 24व्या अधिवेशनाचे शिफारशींच्या उजवाडांत, गोंय, दमण आनी दीव सरकारान, कामगार आनी रोजगार आयुक्त कार्यालयांतल्यान कारखाने आनी वाफक निरिक्षकालय द्विभाजीत करून सरकाराचें नवें कार्यालय तयार करपाचें थारायलें आनी ताका “कारखाने आनी वाफक निरिक्षकालय” अशें नांव दिलें. तेन्नासावन कारखानो कायदो, 1948, वाफक कायदो, 1923 आनी ताचे अंतर्गत आशिल्ले नेम, उद्देगीक सुरक्षीतताय प्रशिक्षण केंद्र आनी उद्देगीक नितळसाण प्रयोगशाळा हांची अंमलबजावणी करपाची जापसालदारकी ताचेर सोंपयलां. उपरांत पर्यावरण (संरक्षण) अधिनेम, 1986 चालीक लायिल्ल्यान, पर्यावरण (संरक्षण) अधिनेम, 1986 अंतर्गत कांय तरतुदी चालीक लावपाचे अधिकार मुखेल निरिक्षका कडेन निहीत आशिल्ले. कारखानो आनी बॉयलर, मुखेल निरिक्षक विभागाचे मुखेली आसतात, जे सरकाराचो पदसिद्ध जोड सचीव म्हणूनय वावुरता.

कारखानो कायदो, 1948 (केंद्रीय कायदो) आनी ताचे अंतर्गत तयार केल्ले वेगवेगळे नेम, प्रभावीपणान चालीक लावून आनी अंमलबजावणी करून राज्यांतल्या कारखान्यांत कामगारांची वेवसायीक सुरक्षीतताय, भलायकी, कल्याण, आनी कामाची परिस्थिती आनी राज्यांतल्या वाफकांचे सुरक्षेविशीं सतत सुदारणा करप, वाफक कायदो, 1923 (केंद्रीय कायदो) आनी ताचे अंतर्गत तयार केल्ले वेगवेगळे नेम आनी नियमनां तशेंच पर्यावरण संरक्षण अधिनेम, 1986 अंतर्गत तयार केल्ल्या धोकादायक रसायनाचे नेम, 1989 (केंद्रीय नेम) च्या उत्पादन, साठवण आनी आयाताची कांय प्रमाणांत अंमलबजावणी करप.

खात्यान लागू केल्ल्या कायद्यांचीं मुखेल खाशेलपणां मुखार हाडप, तरतुदींक पाळो दिवपा खातीर पालन करपाचें पांवडे स्पश्ट करप आनी अंमलबजावणी करपी एजन्सी परस सुलभताय दिवपी संघटना म्हूण वेवस्थापन आनी कर्मचार्‍यांची निरिक्षकालया विशींची वृत्ती बदलप.

संस्थेंत, सोमार ते शुक्रार, सकाळी 10.00 ते सांजेर 5.00 मेरेन, दनपरां 1.00 ते 2.00 मेरेन माध्यान आहाराक धरून वर्ग घेतात. उद्देगीक भेटीं खातीर सामान्यपणान शेनवार थारायतात. शेनवार, आयतार आनी सरकारी सुटयो सोडल्यार, दनपरां 1.15 ते 2.00 मेरेनच्या माध्यान आहाराक धरून सगळ्या कामाच्या दिसांनी सकाळी 9.30 ते सांजेर 5.45 मेरेन कार्यालयीन वेव्हार चलता.